أخر الأخبار

السبت، 15 أبريل، 2017

خاكية القصيدة - نصير هاني


شَد ارچابها وزهب متاع الموت
وارخه اعنانها وچازه ابخواصرها

واتوكّل عله الله وگال يا زهراء
وراية يا علي اعله اچتافه ناشرها

غارت والحوافر عزم يسبگ ريح
الكحيله العزوم ابزود غايرها

صارت ضغبره وما ضايع المركاض
 ونيشان الفرس بطباگ حافرها

إذا نيشن يصيب وما يثنّي ازناد
ثارت طلقته وبالراس بسمرها

 فتوى المرجعيه الفرزنت فرسان
أولهه زلم بس ماكو آخرها

هبو غيمه سوده اتهمهم ابچيلات
نزلت غضب احمر تفگ تمطرها

خاكيه القصيده وما تنام الليل
يكتب عالسواتر غزل شاعرها

تره البيه زود ما يتردد من الموت
روحه اعله العراق ابنار يشمرها

  • تعليقات الموقع
  • تعليقات الفيس بوك
Item Reviewed: خاكية القصيدة - نصير هاني Description: Rating: 5 Reviewed By: الاعلام العسكري لسرايا السلام
Scroll to Top
يتم التشغيل بواسطة Blogger.