أخر الأخبار

السبت، 15 أبريل، 2017

ثورتنه عَروس - أسامه الفرطوسي


وصلت للعظم والدﮒ نزل عالراس
وجاعت بطن ناسي  ويبس مشربها

القحط طبّ عالضمير شيزرع الصدّيق؟
إذا حتى الضماير صوفرو حبها

لحّد  بالملامه يلومه من يثور
الشعب لو ثار حگّه يهد مناصبها

الشعب هوّه اليقرر غيره ما مسموح
وماريد السياسي الموجه يركبها!!

وماريد النهبني وغصب حق الناس
يتوَسّم ثورتي ويحچي بمطالبها

ثورتنه عروس وطگ ثمرها أجيال
وبس ابن الصدر نسمحله يخطبها

بعد مانرضى واحد يحچي بسم الناس
وهوّه بعُرض ظهره  الناس يضربها

العراقي من الخجل يوميه جاي يموت
 السياسي بكل وقاحه حقوقها غاصبها

الشعب شابع قهر والساسه شبعت خير!!
لازم من جديد الخيمه ننصبها

ولازم بانتفاضه نحاسب الخضراء
والتّطلع وراهم هم نحاسبها

ويطبّها أبو هاشم واحنه كلّنا وياه
وتدري شلون راح السيد يطبها؟

ما يگلبلّه صفحه السيد من يفوت
على راس الحكومه الدنيا يگلبها

  • تعليقات الموقع
  • تعليقات الفيس بوك
Item Reviewed: ثورتنه عَروس - أسامه الفرطوسي Description: Rating: 5 Reviewed By: الاعلام العسكري لسرايا السلام
Scroll to Top
يتم التشغيل بواسطة Blogger.