أخر الأخبار

السبت، 15 أبريل، 2017

عَبرة جسر - محمد الشامي


حبلت عاصمتنه وجابت سيوف
عبرت عالجسر باسم المزارات

وبأمر الوطن ماتقبل تلوف
تاكل بالمشي وتطوي المسافات

متحزمه بعلگ والراس مكشوف
تدعي إعله القصر وأهل الوزارات

وخيمه زغيره حلوه أباب مكشوف
من خيوطهه ترجف الصبات

وعصافير المحلّه اتحوم وتطوف
توصل زقزقتها أربع سماوات

وجنازة وطن بالعلم ملفوف
عراق اسمه مهد كل الحضارات

مرّت عالنهر بيه شافت زلوف
وخدود وشفايف بيها ونّات

صاحت عالقصر ﮔوم اگعد وشوف
موكب قافلة شبّان هالفات

أهل سبايكر مرّو يونون
ﮔوموا اقرو الحمد واخذو التحيات

ما بسكم شبعتو بمال الأيتام
ما مليتو من درب المطارات

قدمنه الورد بمسالم اﭽفوف
بس ودوا بدال الورد طلقات

وتوهموا گالوا صوت ويروح
جمعه وجمعتين تروح الأصوات

يا أهل القصور الشعب موجود
وهذا ابن الصدر حي بعده مامات

علويه المدن ما تقبل تهيد
وجروح الوطن عالگلب شامات

الشمس باجر تجي والبخت موجود
ودرب سنين عدنه يصير ساعات

  • تعليقات الموقع
  • تعليقات الفيس بوك
Item Reviewed: عَبرة جسر - محمد الشامي Description: Rating: 5 Reviewed By: الاعلام العسكري لسرايا السلام
Scroll to Top
يتم التشغيل بواسطة Blogger.